Pawai BUNGA

Tomohon yang diguyur hujan...
Tetap banya orang nekad mo ba uni...
Kong... lebe banya tu da ba iko pawai...

---

Lebe dulu, pasukan "off-road" maju deng gagah berani... sapa kwa mo brani... punung pece do'e...

bajao jooo...

---

Akhirnya... lewat juga...

---

Bilang pa enci deng engku, musti komang mo nae klas ini...
Riki so anyor tu smengken.

---

Peserta putra-putri bunga ley maniso baiko pawai...
(kalu tau ndak mo juara kang... lebe bae pi tidor...)
Maar panitia pemilihan putra-putri bunga bilang wajib kwa...
Biar jo... yang penting panitia nda iko...

---

Akhirnya dorang lewat jo... lantaran salah stel dari pertama, dorang da ba lebe dulu, akhirnya dorang jo tu da ba ta teru di sepanjang jalan sebelum panggung "kehormatan".
Riki penonton pe stenga mati ba cari tampa ba uni.
Blung ley tu oto-oto laeng yang da ba parkir.

So mantabs tre'en tu pawai...
Gaga-gaga...
Mungkin stow taong depan boleh beking lebe bagus noh. Supaya torang yang bauni lebe bisa menikmati, jang cuma tu bos-bos di panggung kang.

Maar salalu ley kita ba tanya dalang hati...
Kiapa kwa tu acara bagitu beking musim ujang. Memang dalam rangka HUT kota Tomohon. Maar kan musti bapikir bagimana torang mo "jual" itu. Sama deng bajual es krim di musim salju... enak maar ndak bisa dinikmati.

Maju terus kota Tomohon!

Comments

[André]

Pictures are nice...
and it would be nicer if the text can be translated in English or French...
merci d'avance. Terrimakasi

[mee mee]

pe gaga do tu foto-foto bunga,,
mar kal nda salah itu bukang asal tomohon kan dapa lia.
itu wallpaper di window toh, bunga tulip

lebe bagus kalu bunga tomohon langsung toh,, hehe